Xidmətçi

Hadisələr ötən əsrin otuzuncu illərində, Koreyanın Yaponiya işğalı altında olduğu dövrdə cərəyan edir. Qraf ləqəbli fırıldaqçı gənc qız Suk-hini böyük qazanc vədi ilə öz cinayətkar planına cəlb edir. Onun əsas hədəfi zəngin yapon xanımı Hidekonun bütün var-dövlətini ələ keçirməkdir.

Fırıldaqçının hiyləgər niyyətinə əsasən, o, qadını tovlayıb Yaponiyaya qaçırmalı, onunla evlənməli, ardınca isə onu ruhi xəstəxanaya salaraq sərvətinə sahib çıxmalıdır. Suk-hi bu məqsədlə malikanəyə xadimə kimi işə düzəlir. Lakin hadisələr gedişatında hər xırda detalı düşünülmüş bu məkrli plan gözlənilməz təhlükə ilə üzləşir.

Rejissor Pak Çxan-ukun 2016-cı ildə ekranlaşdırdığı «Xidmətçi» (Agassi) dramatik trilleri Cənubi Koreya istehsalıdır. Filmin əsas obrazlarını Kim Min-hi, Kim Txe-ri, Ha Con-u və Ço Cin-un canlandırıb.