Dörd dəqiqə

Yaşlı bir qadın qadınlar üçün cəzaçəkmə müəssisəsinə piano müəllimi kimi işə düzəlir. Onun dərslərinə qatılmaq istəyən məhbusların sayı çox az olur. Lakin onların arasında qətl törətməkdə təqsirləndirilən gənc bir qız müəllimin diqqətini çəkir; bu qız adi alətdən heyrətamiz səslər çıxarmaq bacarığına malikdir.

Pedakoq dörd divar arasında cəza çəkən bu çətin xarakterli məhbusun necə parlaq musiqi hissinə sahib olduğunu gördükdə təəccübünü gizlədə bilmir. Yaşlı qadın gəncin istedadını inkişaf etdirməyə və ona yardım əli uzatmağa qərar verir. Beləliklə, o, şagirdinə gənc bəstəkarların müsabiqələrində çıxış etməyi təklif edir.

«Dörd dəqiqə» (Vier Minuten) adlı musiqili dram filmi 2006-cı ildə Almaniyada rejissor Kris Kraus tərəfindən lentə alınıb. Ekran əsərində əsas rolları Monika Blaybtroy, Hanna Hersşprunq, Sven Pippiq və Rixi Müller canlandırıblar.