Kor

On üç yaşlı Xuan Folklend müharibəsi zamanı görmə qabiliyyətini itirmiş atası Marko ilə birlikdə yola çıxır. Ata və oğul Markonun uşaqlığının keçdiyi kiçik əyalət qəsəbəsinə, ağır xəstə olan anasına baş çəkməyə tələsirlər. Yeniyetmə oğlan bu səfərdə də atasının əsas bələdçisi rolunu öz üzərinə götürür.

Mənzil başına çatdıqda Markonun qardaşı anasının onların gəlişindən bir qədər əvvəl vəfat etdiyini bildirir. Ailə üzvləri ata ocağında bir müddət qalmaq qərarı verirlər. Köhnə evdə keçən bu günlərdə Xuan həmişə yol göstərdiyi atasının keçmişi ilə ilk dəfə bu qədər yaxından tanış olur.

«Ciegos» dram filminin rejissoru Fernando Tsuberdir. Argentina istehsalı olan bu ekran əsərində baş rolları Marselo Subiotto, Benicio Mutti Spinetta, Luis Zembrovski və Matias Rekalt canlandırıb. Layihə 2019-cu ildə nümayiş olunub.