Finding Tony

«Finding Tony» filmi keçmiş NBA ulduzu Toni Qrinin mürəkkəb taleyindən bəhs edir. Həyat yoldaşının qətlə yetirilməsindən sonra idmançı kəskin depressiyaya düşür və içkiyə qurşanır. Sərxoş vəziyyətdə avtomobil idarə edərkən saxlanılan Toni cəzadan yaxa qurtarmaq üçün yerli kollecin qadın basketbol komandasına məşqçilik etməyə məcbur qalır.

Zalda o, valideynlərini itirmiş Destini adlı istedadlı tələbə ilə qarşılaşır. Çətin xasiyyəti olan bu qız meydançada böyük bacarıq nümayiş etdirir. İlk vaxtlar aralarındakı fikir ayrılıqları və mübahisələr məşqləri çətinləşdirsə də, sabiq basketbolçu onun potensialını inkişaf etdirmək üçün çalışmağa qərar verir.

2024-cü ildə ABŞ-da istehsal olunmuş dram filminin rejissoru Reyven Meqvuddur. Əsas obrazları Stefen Bişop, Rakel Castis, Coş Ventura və Kolambus Şort canlandırıblar.