Estanislao

Qırx yaşlı işsiz Mateo on beş illik ayrılıqdan sonra böyüdüyü məkana qayıdır. Köhnə toxuculuq fabrikinin yaxınlığında yerləşən ata ocağına dönməsinə səbəb yenicə vəfat etmiş anası ilə vidalaşmaq zərurətidir.

Lakin doğma evdə onu alkoqol asılılığı olan atası qarşılayır və onlar eyni dam altında qalmalı olurlar. Bir-birinə nifrət edən ata və oğulun gərgin münasibətləri azmış kimi, gecələr Mateonu qəribə quşa bənzəyən naməlum bir varlıq təqib edib narahat etməyə başlayır.

«Estanislao» adlı dram filmi 2020-ci ildə Meksikada rejissor Alexandro Quzman Alvarez tərəfindən lentə alınıb. Baş rolları Fernando Bonilya, Raul Briones və Xose Konsepsyon Masias canlandırıblar.