Eksperiment

İyirmi nəfər adi insan elmi araşdırmada iştirak etmək üçün könüllü olaraq iki həftəlik xüsusi təcridxanaya yollanır. İştirakçılar iki qrupa bölünür: on iki nəfər məhbus, səkkiz nəfər isə nəzarətçi təyin edilir. Birinci qrup həbsxana qaydalarına tabe olmalı, digərləri isə nizam-intizama nəzarət etməlidir.

Sınaq müddəti irəlilədikcə nəzarətçilər əllərindəki səlahiyyətlərdən sui-istifadə etməyə və məhbusları alçaltmağa başlayırlar. Alimlərin müşahidəsi altında aparılan bu proses tədricən idarəolunmaz vəziyyətə gəlir. Daxildə yaranan gərginlik və təzyiqlər nəticəsində məhbuslar arasında qiyam yetişir.

2000-ci ildə Almaniyada çəkilən «Das Experiment» trillerinin rejissoru Oliver Hirşbiqeldir. Ekran əsərinin baş rollarını Morits Blaybtroy, Kristian Berkel, Oliver Ştokovski və Yustus fon Donanyi canlandırıblar.