Ağ it

Hadisələr 1960-cı illərin sonunda, Martin Lüter Kinqin qətlindən sonra ABŞ-da irqi gərginliyin artdığı bir dövrdə cərəyan edir. Fransız yazıçısı Romen Qari və onun aktrisa xanımı Cin Siberq küçədə sahibsiz qalmış alman çoban itini taparaq evlərinə gətirirlər. Mehriban görünən heyvanın əslində qara dərili insanlara hücum etmək üçün xüsusi öyrədildiyi tezliklə məlum olur.

İti yatızdırmaq istəməyən Qari heyvanın tərbiyəsini dəyişmək qərarına gəlir. O, bu çətin vəzifəni həll etmək üçün qara dərili kinoloq Kizsə müraciət edir. Ailə insan nifrətinin qurbanı olmuş dördayaqlı canlını xilas etmək naminə mürəkkəb bir sınaqdan keçməli olur.

«Chien Blanc» filmi 2022-ci ildə Kanadada çəkilib, rejissoru Anais Barbo-Lavalettdir. Dram janrında olan filmin əsas rollarında Deni Menoşe, Keysi Rol, K.K. Kollinz və Caleyl Svabi çəkiliblər.