Af

Ucqar dağ kəndində yaşayan bir ailə dolanışığını ağac kəsib satmaqla təmin edir. Evin idarəsi isə qəddar və sərt atanın əlindədir. Onun arvadına və övladlarına qarşı amansız, zülmkar davranışı illər keçdikcə ailədəki gərginliyi son həddə çatdırır.

Bitmək bilməyən psixoloji təzyiq nəticəsində doğmalar arasında dərin bir qarşıdurma və sarsıntı yaranır. Belə bir vəziyyətlə üz-üzə qalan ailə üzvləri dağılmaq təhlükəsindən qurtulmaq üçün bir-birlərini bağışlamağın yollarını axtarmalı olurlar.

Türkiyə istehsalı olan «Af» dram filminin rejissoru Cem Özaydır. 2020-ci ildə çəkilmiş ekran əsərinin baş rollarında Timur Acar, Hakan Aslan, Yusuf Bayraktar və Samet Güler çıxış edir.