Böyük sənətkar

Teatr ustası Raqhava Rao uzun illər səhnəyə verdiyi töhfələrə görə ən yüksək fəxri ad olan «Ranqamartxanda» tituluna layiq görülür. Şöhrətin zirvəsində ikən karyerasını başa vurmaq istəyən qocaman aktyor təqaüdə çıxır. Qalan ömrünü doğmalarına həsr etməyi arzulayan sənətkar bütün var-dövlətini övladları arasında bölüşdürməyə qərar verir.

O, evini oğlu və gəlininin adına keçirir, yığdığı bütün pulu isə qızına bağışlayır. Şəxsi mülkündən və qazanc mənbəyindən məhrum olan Raqhava Rao ilə vəfalı xanımı Savitri tezliklə böyük kədərlə üzləşirlər. Yaşlı ər-arvad ailə ocağında nəvaziş və hörmət əvəzinə övladlarının soyuq münasibəti və eqoizmi ilə qarşılaşırlar.

2023-cü ildə ekranlara çıxan «Böyük sənətkar» (Ranga Marthanda) dram filminin rejissoru Krişna Vamsidir. Hindistan istehsalı olan ekran əsərində baş rolları Prakaş Rac, Ramya Krişna, Brahmanandam və Aadarş Balakrişna canlandırıblar.