Vinland Klubu

1940-cı illərin sonlarında Kvebekdə yerləşən oğlanlar üçün katolik kollecində Jan qardaş dərs deyir. Qabaqcıl tədris üsullarına üstünlük verən və arxeologiya ilə dərindən maraqlanan bu keşiş mühafizəkar rəhbərliklə tez-tez fikir ayrılığı yaşayır. O, Müqəddəs Lavrenti çayı sahillərində vaxtilə qədim vikinq məskəni olan Vinlandın mövcudluğuna qətiyyətlə inanır.

Jan qardaş çətin yeniyetmə Emili məktəbdən qovulmaqdan qurtarmaq və digər şagirdlərdə elmə həvəs oyatmaq üçün böyük bir təşəbbüs irəli sürür. O, şagirdləri ilə birlikdə vikinqlərin izlərini aşkar etmək məqsədilə genişmiqyaslı arxeoloji qazıntı işlərinə başlayır.

«Vinland Klubu» (Le club Vinland) dram filmini kanadalı rejissor Benua Pilon ekranlaşdırıb. 2020-ci ildə nümayiş olunan ekran əsərində baş rolları Sebastyan Rikar, Remi Jirar, Fransua Papino və Fabyen Klotye canlandırıb.