Yupiter

Ömrünün yetkin çağında dərin böhran yaşayan xüsusi xəfiyyə Mario gözlənilməz bir xəbər alır. O, nikahdankənar doğulmuş 17 yaşlı bir oğlunun olduğunu öyrənir. Bu xəbərdən sonra kişi gənclə yaxınlaşmaq və onun taleyində yer almaq qərarına gəlir.

Övladı ilə ortaq dil tapmağa çalışan Mario onun qeyri-adi istedada malik olduğunu görür. Məlum olur ki, gənc əsl şahmat vunderkindidir. Ata oğlunun karyera qurmasına dəstək olmaq və onun həyatına müsbət təsir göstərmək üçün fəaliyyətə keçir.

Braziliya istehsalı olan «Júpiter» dram filmi 2022-ci ildə ekranlara çıxıb. Ekran əsərində əsas rolları Oran Fiqeyredu, Bryus Qomlevski, Mauricio Piancó və Marcelo Rodrigues ifa ediblər.