Çapıqların arxasında

Samanta Nikol Allen Missisipidə yerli icmanın böyük hörmət bəslədiyi bir vaizin ailəsində böyüyüb. Yaxşı tərbiyə almasına və cəmiyyətdəki mövqeyinə baxmayaraq, o, zorakı və dağıdıcı münasibətlərin qurbanına çevrilir. Bu təhlükəli bağlar gənc qadının özünə inamını sarsıdır və onu adi həyatından məhrum edir.

Məişət zorakılığı ilə üzləşən Samanta üçün vəziyyət getdikcə daha təhlükəli hal alır. Ağır sınaqlardan keçən qəhrəman xilas olmaq üçün öz daxili gücünə güvənməyə və mübarizə aparmağa çalışır.

ABŞ istehsalı olan «Beneath the Scar» dram filmi 2019-cu ildə işıq üzü görüb. Ekran əsərinin əsas rollarında Timylle Adams, Theo Bray, Greysen Conley və Shirley Corbin çəkiliblər.