When the Music Changes

Nyu-Yorkda yaşayan hind əsilli sənədli film rejissoru Devi doğma vətəninə yollanır. Hindistana bu səfərin məqsədi yaxınları, köhnə dostları və nişanlısı ilə vaxt keçirməkdir. Zahirən uğurlu və müstəqil qadın təsiri bağışlasa da, onun şəxsi həyatında tərəfdaşı tərəfindən tətbiq edilən mənəvi təzyiq və zəhərli münasibətlər gizlənir.

Sevgilisinə olan güclü hisslər qəhrəmanın psixoloji zorakılığı vaxtında anlamasına və qəbullanmasına mane olur. Lakin baş verən faciəvi hadisə hər şeyi alt-üst edir. Yaşanan sarsıntı Devini mövcud münasibətlərə və öz ləyaqətinə tamamilə fərqli nəzərlərlə baxmağa məcbur edir.

2021-ci il istehsalı olan ABŞ dramı «When the Music Changes» filminin rejissoru həm də baş rolu canlandıran Lakshmi Devydir. Ekran əsərində Adit Arun, Naveen George Thomas və Shreya Navile kimi aktyorlar çəkiliblər.