Ürəkoğurlayan

İşsiz aktyor Julio Bastos karyerasını yenidən canlandırmaq və nəhayət böyük bir obraz əldə etmək üçün çıxış yolu axtarır. Həmin ərəfədə nəhəng televiziya kanalı yeni teleserialın çəkilişlərinə hazırlaşır. Layihədə əsas qadınsevər qəhrəman («qala») obrazını canlandıracaq aktyor axtarışı elan olunur və Julio bu şansı qaçırmaq istəmir.

Lakin bu yolda onun əsas rəqibi hazırda şöhrətin zirvəsində olan gənc aktyor Rauldur. Vəziyyəti çətinləşdirən başqa bir məqam isə serialın ssenarisini Julionun ögey qardaşı Betunun yazmasıdır. Uzun illərdir küsülü olan və bir-biri ilə danışmayan qardaşlar məcburiyyətdən yenidən ünsiyyət qururlar, bu isə yeni münaqişələrə yol açır.

«Ürəkoğurlayan» (O Galã) bədii filmi rejissor Fransisko Ramalyo kiçik tərəfindən lentə alınıb. 2019-cu il Braziliya istehsalı olan dramatik komediyada baş rolları Tiaqu Fraqozu, Kristine Fernandes, Fiuk və Luis Enrike Noqeyra canlandırıb.