Astronavt

Aviasiya mühəndisi Cim Deforj uşaqlıqdan bəri kosmosa uçmağı arzulayır. Avropa Kosmik Agentliyinin seçim mərhələsindən keçə bilməməsi onun bu istəyini söndürmür. Baş qəhrəman gizli şəkildə tarixdə ilk həvəskar pilotlu kosmik uçuşu həyata keçirməyi qərara alır.

Cim nənəsi Odettin fermasındakı anbarda illər boyu öz əlləri ilə raket yığmaqla məşğul olur. Təkbaşına bu cür mürəkkəb layihəni tamamlamağın mümkünsüzlüyünü anladıqdan sonra, o, ağlasığmaz planına şərik olacaq köməkçilər axtarmağa başlayır.

Komediya və dram janrlarını birləşdirən «Astronavt» (L'astronaute) filmi 2022-ci ildə Fransada istehsal olunub. Ekran əsərinin rejissoru və baş rol ifaçısı Nikolya Jirodur. Digər rollarda Matye Kassovits, Elen Vensan və Brüno Loşe çəkiliblər.