Vasil

Bolqarıstandan gələn zəkalı və xarizmatik mühacir Vasil küçələrdə gecələməli olur. Şahmat və brici ustalıqla oynayan bu adamın həyatı təqaüddə olan memar Alfredo ilə qarşılaşdıqda dəyişir. Tənha ev sahibi evsiz qalmış qonağa öz mənzilində sığınacaq verir.

İlk baxışdan bu iki fərqli insanın şahmat sevgisindən savayı heç bir ortaq cəhəti yoxdur. Zaman keçdikcə Vasil qocanın qurduğu soyuq divarları aşmağı və onun qəlbinə yol tapmağı bacarır. Mühacir özünəməxsus xarakteri ilə ünsiyyətdə olduğu hər kəsin daxili dünyasını tamam dəyişmək qabiliyyətinə malikdir.

«Vasil» dram filmi 2022-ci ildə İspaniya və Bolqarıstan kinematoqrafçılarının birgə əməyi ilə ərsəyə gətirilib. Ekran əsərinin quruluşçu rejissoru Avelina Pratdır. Əsas obrazları İvan Barnev, Karra Elehalde, Aleksandra Ximenes və Syu Flek canlandırıblar.