M

Dayanacaqdakı təsadüfi görüş utancaq Lila ilə enerjili Mo adlı gənci bir araya gətirir. Nitq qüsuru səbəbindən danışmaqda çətinlik çəkən qız vaxtını dərslərinə sərf edir və imtahanlara hazırlaşır. Yeni tanışı isə əksinə, bir an belə susmur və tamamilə fərqli bir həyat tərzi sürür.

Lila dərsləri ilə məşğul olduğu vaxtlarda Mo qanunsuz küçə yarışlarında təhlükəli yürüşlərə qatılaraq pul qazanır. Bir-birinə bənzəməyən bu iki gənc tamamilə ayrı dünyaların insanlarıdır. Lakin aralarındakı ziddiyyətlər onların getdikcə bir-birinə yaxınlaşmasına mane olmur.

Fransa istehsalı olan «M» dram filmi 2017-ci ildə nümayiş olunub. Ekran əsərinin rejissoru və baş rol ifaçısı Sara Forestyedir. Digər rolları Reduan Arjan, Jan-Pyer Leo və Liv Andren canlandırıblar.