Enigma

Əlli dörd yaşlı bərbər Nensiyə açılmamış cinayətlərdən bəhs edən televiziya verilişində iştirak etmək təklif olunur. Proqramın növbəti buraxılışı onun qızı Sandraya həsr edilməlidir. Səkkiz il əvvəl Santyaqo küçələrinin birində vəhşicəsinə qətlə yetirilmiş lezbiyan qızın ölümü hələ də qaranlıq qalıb.

Çəkilişlərə razılıq vermək Nensi üçün asan olmur, çünki qohumları bu məsələdə tamamilə fərqli mövqe nümayiş etdirirlər. Ailədaxili fikir ayrılıqları ilə üzləşən ana, eyni zamanda həyatını itirmiş övladının vaxtilə necə bir ömür sürdüyünü daha dərindən anlamağa çalışır.

Çili istehsalı olan «Enigma» filminin rejissoru İqnasio Yuriçiçdir. 2018-ci ilin bu dramında əsas rolları Klaudiya Kabesas, Roksana Kampos, Rodrigo Pérez və Paula Zunyiqa canlandırıblar.