Drift

Liberiyadan olan gənc Jaklin Yunanıstan adasında təkbaşına sağ qalmaq uğrunda mübarizə aparır. Ölkəsində inqilab baş verənə qədər o, hökumət tərəfdarı olan nüfuzlu bir şəxsin qızı kimi rifah içində böyümüşdü. Baş verən siyasi çaxnaşmalar keçmiş həyatına son qoyur və onu qaçqın vəziyyətinə salır.

Yeni mühitə uyğunlaşmağa çalışan Jaklin burada ekskursiya bələdçisi işləyən Kelli adlı amerikalı qadınla qarşılaşır. Onların arasında getdikcə səmimi bir dostluq yaranır. Lakin keçmişdə yaşanan ağrılı xatirələr və travmalar gənc qadının arxasınca gələrək gələcəyə ümidlə baxmasına mane olur.

«Drift» dram filminin rejissoru Entoni Çendir. ABŞ, Böyük Britaniya, Fransa, Yunanıstan, Çin və Sinqapurun birgə istehsalı olan bu kinolentdə baş rolları Sintiya Erivo, Alia Şokat, İbrahima Ba və Onor Svinton-Birn canlandırıb.