Musiqi heç vaxt dayanmadı

Qabriel adlı gəncin səhhətində yaranan ciddi problem onun həyatını tamamilə dəyişir. Beynindəki şiş səbəbindən o, yaddaşından əvvəlki kimi istifadə edə bilmir. Qabrielin atası Henri Soyer oğlunun keçmişdəki inciklikləri və kədərli anları artıq xatırlamadığını görür.

Henri bu vəziyyətdən istifadə edərək oğlu ilə münasibətlərini yenidən bərpa etmək qərarına gəlir. O, musiqi terapiyası vasitəsilə Qabrielin zəifləmiş sağlamlığını yaxşılaşdırmağa və onunla ortaq dil tapmağa çalışır.

ABŞ istehsalı olan «The Music Never Stopped» musiqili dram filmi 2011-ci ildə rejissor Cim Kolberq tərəfindən çəkilib. Ekran əsərində əsas rolları C.K. Simmons, Lu Teylor Puççi, Kera Seymur və Skott Edsit ifa edirlər.