Tale körpüsü

Kuonqun həyatı kənardan mükəmməl görünür: o, işində böyük uğurlar qazanıb, gözəl xanımı və nümunəvi oğlu ilə birlikdə firavan ömür sürür. Lakin ailənin sakit günləri gözlənilməz bir tanışlıqla sona çatır. Oğlu evə Tanq adlı yeni dostunu gətirir və bu gənc oğlan evin nizamını tamamilə dəyişir.

Məlum olur ki, bu gəncin Kuonqun keçmişdə gizli münasibət saxladığı Trunq ilə sıx əlaqəsi var. İllərlə gizlədilən sirlər tədricən üzə çıxır. Keçmişin bu cür qayıdışı ailənin dağılmasına səbəb ola biləcək böyük bir təhlükə yaradır.

2020-ci il istehsalı olan «Tale körpüsü» («Bridge of Destiny») dram filminin rejissoru Nguyen Huu Tiendir. Vyetnam istehsalı olan bu ekran əsərində əsas rolları Binh Ly, Tran Ngoc Vang, Trinh Xuan Nhan və Yaya Truong Nhi canlandırıblar.