Daşqın

Müharibənin viran qoyduğu vətənindən qaçan Hayle adlı afrikalı mühacir, sığınacaq tapmaq üçün təhlükələrlə dolu uzun bir yol qət edir. Britaniya sərhədinə çatdıqda isə nəzarətçilərin ciddi şübhələri ilə üzləşir və sərt yoxlamalardan keçməli olur.

Mühacirət idarəsinin əməkdaşı Vendi bu qaçqının taleyini həll etmək vəzifəsini öhdəsinə götürür. O, yad ölkəyə sığınmaq istəyən Haylenin keçmişini araşdırmalı və onun gələcək taleyi barədə son qərarı verməlidir.

Böyük Britaniya istehsalı olan «The Flood» dram filmi 2019-cu ildə rejissor Entoni Vudli tərəfindən çəkilib. Ekran əsərində əsas rolları Lina Hidi, Amira Xazalla, Cek Qordon və Skott Hinds canlandırırlar.