Çempion

Dieqo gənc yaşda olmasına baxmayaraq «Atletiko Madrid» klubunun aparıcı simalarından biri sayılır və böyük gələcək vəd edir. Lakin fitri istedadı meydandan kənarda nümayiş etdirdiyi aqressiya və düşüncəsiz hərəkətlərlə kölgələnir. Növbəti davanın ardınca klub rəhbərliyi nizam-intizamı pozduğuna görə onu oyunlardan kənarlaşdırır.

Futbolçunun davranışını düzəltmək və onu yenidən meydana qaytarmaq məqsədilə psixologiya professoru Aleks dəvət olunur. Öz problemləri ilə mübarizə aparan və qapalı xasiyyətə malik bu mütəxəssislə gənc hücumçu ümumi dil tapmağa məcbur qalır.

İspaniya istehsalı olan «El campeón» dram filmi 2024-cü ildə rejissor Karlos Teron tərəfindən çəkilib. Əsas rollarda Dani Rovira, Swit Eme, Pablo Çyapelya və Luis Fernandes çıxış edir.