Born Guilty

Kreativ direktor işləyən Martinin yaxşı karyerası və sevdiyi qadınla xoşbəxt münasibəti var. Lakin Nyu-Yorkda tək yaşayan anası onun dincliyini tez-tez pozur. Heç kimə, hətta doğma oğluna belə lazım olmadığını düşünən Cudit istənilən saatda zəng edərək dərdlərini danışır və gileylənir.

Bu tükənməz zənglərdən və anasının kədərli şikayətlərindən yorulan gənc çıxış yolu axtarır. Marti həmişə optimist qalan dostunu anası ilə görüşməyə və onun könlünü almağa razı salır. Planın məqsədi Cuditin fikrini dağıtmaq və onun şəxsi həyatını canlandırmaqdır.

Rejissor Maks Hellerin çəkdiyi «Born Guilty» filmi dram və komediya janrlarını birləşdirir. ABŞ istehsalı olan bu ekran işi 2017-ci ildə nümayiş olunub. Əsas obrazları Cey Devor, Devid Kazins, Rozanna Arkett və Kişa Şarp canlandırıb.