Ərlər

Yaxın dostlarının qəfil ürək tutmasından vəfat etməsi üç kişini dərindən sarsıdır. Bu qəfil itki onları ilk dəfə öz ölümləri barədə düşünməyə vadar edir. Bütün ailə və iş qayğılarını bir kənara qoyan yoldaşlar birlikdə uzun bir əyləncəyə başlayırlar. Onlardan ikisi vaxtını şən keçirməyə çalışsa da, üçüncüsü kədərini gizlədə bilmir. Metroda gecələyən, spirtli içki qəbul edən və basketbol oynayan dostlar gənclik və subaylıq illərini xatırlayırlar.

İki gün davam edən sərgüzəştdən sonra ikisi artıq sakitləşmək istəyir. Lakin həyat yoldaşı ilə möhkəm mübahisə edən digər yoldaş Londona uçmaq qərarına gəlir. O, dostlarını da razı salır və üçlük İngiltərəyə yollanaraq içkili əyləncələrinə orada davam edir.

1970-ci ildə ABŞ-da istehsal olunmuş «Husbands» dram-komediyasının rejissoru Con Kassavetisdir. Əsas rollarda Qven Van Dam, Elinor Zoi, Nik Kassavetis və Rik Lester çıxış edirlər.