Regina

On beş yaşlı qız anasını itirdikdən sonra tək qalan atası Luici ilə birlikdə böyüyür. Onun ən böyük arzusu müğənni olmaqdır və atası bu istedadı hər zaman dəstəkləyir. Doğmalar arasında qarşılıqlı inama və sevgiyə əsaslanan güclü bir bağ formalaşıb.

Göldə baş tutan adi qayıq gəzintisi ölümlə nəticələnən ağır qəza ilə bitdikdə onların sakit həyatı alt-üst olur. Qızını qorumaq istəyən ata baş verənləri gizlətməyə qərar verir. Luici heç nə olmamış kimi davranmağı və hadisə barədə susmağı qızından tələb edir.

İtaliya istehsalı olan «Regina» dram filmi 2020-ci ildə rejissor Alessandro Qrande tərəfindən çəkilib. Ekran işində əsas rolları Cinevra Françeskoni, Barbara Cordano, Karmelo Cordano və Maks Mattsotta paylaşıblar.