Biutiful

Uksbal boşanmadan sonra iki övladını təkbaşına böyüdür və Barselonanın qaranlıq künclərində dolanışıq axtarır. Qanun keşikçiləri üçün o adi cinayətkar olsa da, iş tapmaqda kömək etdiyi qeyri-qanuni mühacirlər ona bir xilaskar kimi baxırlar.

Sağalmaz xəstəliyə tutulduğunu öyrənəndə qəhrəmanın dünyası alt-üst olur. Vaxtının az qaldığını anlayan ata qalan günlərini ölümə hazırlaşaraq keçirmək məcburiyyətində qalır.

«Biutiful» dram filmi rejissor Alexandro Qonsales İnyarritu tərəfindən lentə alınıb. İspaniya və Meksikanın birgə istehsalı olan bu 2009-cu il ekran əsərində baş rolları Xavyer Bardem, Marisel Alvares, Hanna Buşaib və Gilyermo Estrella canlandırır.