Planeta 5000

Fərqli dünyagörüşünə malik iki gəncin yolu qapalı dini icmada kəsişir. Gündəlik darıxdırıcı həyatından bezən Serxio çıxış yolunu bu təriqət üzvlərinə qoşulmaqda görür. O, qrupun daxili qaydalarını qəbul edərək arzuladığı dincliyi məhz burada tapacağına inanır.

İris isə uşaqlıqdan bu qapalı mühitdə böyüyüb və illərdir davam edən qatı qadağalardan xilas olmaq istəyir. Köhnə «Planeta 5000» mahnısından təsirlənən gənc qız Mario adlı oğlanla birlikdə oradan qaçmağı planlaşdırır. Məhz bu ərəfədə baş verən hadisələr Serxio ilə İrisin yollarını bir araya gətirir.

2019-cu il istehsalı olan bu İspaniya dramına Karlos Vel Naval rejissorluq edib. Filmdə əsas rolları Kimberli Tell, Krispulo Kabesas, İtzan Eskamilya və Irene Alquézar canlandırıblar.