Wake Up Sid

Mumbayda yaşayan gənc Sidhart Mehra kolleci yeni bitirib, lakin gələcəyi ilə bağlı heç bir dəqiq planı yoxdur. O, günlərini videooyunlar oynamaqla, maşın sürməklə, fotoaparatı və dostları ilə vaxt keçirməklə doldurur. Tənbəlliyinə və məqsədsizliyinə baxmayaraq, Sid dürüst insandır və yaxınlarına qarşı hər zaman sadiq dostdur.

Yazıçı olmaq istəyən Aişa Kəlkətədən Mumbaya köçdükdə onun şəhərdə qarşılaşdığı ilk şəxs məhz Sidhart olur. Sid və dostları Aişaya yeni mühitə uyğunlaşmağa kömək edərkən, oğlan öz həyatını heç bir fayda verməyən vərdişlərə sərf etməyə davam edir. Tezliklə baş verən bəzi hadisələr onu öz yaşam tərzinə daha ciddi yanaşmağa məcbur edir.

Hindistan istehsalı olan «Wake Up Sid» filmi dram və komediya janrlarını birləşdirir. 2009-cu ildə ekranlara çıxan ekran əsərinin rejissoru Ayan Mukhercidır, baş rolları isə Ranbir Kapur, Konkona Sen Şarma, Supriya Pathak və Anupam Kher canlandırıblar.