Over & Out

Yeniyetməlik illərində dörd rəfiqə — Lea, Şteffi, Toni və Maya hər birinin toy mərasimində mütləq bir araya gələcəklərinə dair söz verirlər. Aradan keçən iyirmi altı il ərzində qadınların əlaqələri zəifləyir və hərəsi öz şəxsi qayğıları ilə baş-başa qalır. Lakin Mayanın İtaliyada keçiriləcək toyuna göndərdiyi video dəvətnamə bu durğunluğu pozur.

Köhnə vədi yerinə yetirmək üçün üç qadın gündəlik işlərini kənara qoyub istəksiz də olsa səfərə çıxır. Təyin olunmuş kilsəyə çatdıqda isə onları sarsıdıcı bir həqiqət gözləyir. Xərçəng xəstəliyindən dünyasını dəyişən Maya toy adı altında rəfiqələrini öz dəfninə toplayıb və onlara qeyri-adi son bir tapşırıq qoyub.

«Over & Out» komediya-dram filmi 2022-ci ildə Almaniyada istehsal olunub. Ekran əsərinin rejissoru eyni zamanda baş rollardan birini canlandıran Culiya Bekerdir. Digər rollarda Rikardo Andcelini, Saşa Byeliç və Marion Brekvoldt çəkiliblər.