Həqiqi dəyərlər

Nyu-Yorkun nüfuzlu jurnalında çalışan gənc və iddialı jurnalist Ellen karyerasında böyük uğurlar qazanmaq istəyir. Lakin ailəsində baş verən gözlənilməz kədərli hadisə onun bütün planlarını yarımçıq qoyur. Valideynləri Ketrin və Corc Qalden düşdükləri çətin vəziyyətdə yeganə qızlarından kömək istəyirlər.

Ellen işini və karyerasını arxa plana ataraq ölümcül xəstə olan anasına qulluq etmək üçün ata evinə köçür. Ağır günlərdə anasının yanında olmaq gənc qadının daxili dünyasında dərin izlər buraxır. O, həyatı yenidən dərk etməli və bu dünyadakı əsl yerini anlamaq üçün mürəkkəb bir yol keçməli olur.

«One True Thing» dram filmi 1998-ci ildə ABŞ-də rejissor Karl Franklin tərəfindən lentə alınıb. Ekran əsərində baş rolları Meril Strip, Rene Zellveqer, Vilyam Hört və Tom Everett Skott canlandırıblar.