Homesick

Qlobal karantin elan olunduqdan sonra gənc tələbə özünütəcrid üçün valideynlərinin şəhərdən kənar evinə yollanır. Valideynləri təyyarə reysləri ləğv edildiyi üçün xaricdə ilişib qalır və evə qayıda bilmir. Gənc burada təkbaşına qalır, lakin tezliklə virusa yoluxaraq ağır xəstələnir.

Ehtiyatların tükənməsi və kənar aləmlə əlaqənin kəsilməsi vəziyyəti daha da pisləşdirir. Qızdırma və tənhalıq içində qalan qəhrəman öz-özünə danışmağa başlayır. Uzun sürən qapalı mühit onda güclü təşviş və getdikcə dərinləşən paranoyaya səbəb olur.

Böyük Britaniya istehsalı olan «Homesick» dramatik trilleri 2021-ci ildə ekranlara çıxıb. Ekran əsərinin rejissoru Ceyson Fərris həm də Semuel Lourens, Ceyd Qordon və Emma Vansittart ilə birlikdə əsas rollardan birini canlandırıb.