Çatdırıcı

Bhubaneşvar şəhərində zavod sexinin keçmiş rəisi Manas pandemiyadan sonra iş yerini itirir. İki uşağını, xəstə anasını və həyat yoldaşı Pratimanı dolandırmaq məcburiyyətində qalan kişi Zwigato adlı yemək çatdırılması xidmətinə kuryer kimi daxil olur.

Manas rəqəmsal dünyanın qaydalarına, tətbiqin reytinq sisteminə və müştərilərin şıltaqlıqlarına uyğunlaşmağa çalışır. Eyni zamanda əvvəllər yalnız ev işləri ilə məşğul olan Pratima da ailənin büdcəsinə kömək etmək üçün özünə qazanc yeri axtarmağa başlayır.

«Zwigato» dram filminin rejissoru Nandita Dasdır. 2022-ci il Hindistan istehsalı olan bu kinoda baş rolları Kapil Şarma, Şahana Qosvami, Tuşar Açariya və Zishan Ali ifa ediblər.