Meyna hoteli

1943-cü ilin sentyabrında İtaliyanın Müttəfiqlərlə separat barışıq imzalaması ölkədə vəziyyəti kəskinləşdirir. Yəhudilərə məxsus olan bir mehmanxana SS dəstəsinin diqqətini cəlb edir. Təqiblərdən canını qurtarmağa çalışan on altı nəfərlik qaçqın qrupu həmin vaxt bu binada sığınacaq tapır.

Siyasi mühacirin İsveçrəyə keçməsinə yardım edən alman qadın Kora nasist zabiti Krasslerin şübhələri ilə üzləşir. Tapşırığını uğurla bitirən qadın mehmanxanada qalan qaçqınları xilas etmək niyyəti ilə yenidən İtaliyaya qayıdır. Elə həmin ərəfədə kapitan Krassler oradakı insanların təcili olaraq məhv edilməsi barədə qəti əmr alır.

«Hotel Meina» adlı tarixi dram rejissor Karlo Litsani tərəfindən ekranlaşdırılıb. İtaliya, Fransa və Serbiya kinematoqrafçılarının birgə istehsalı olan bu film 2007-ci ildə nümayiş etdirilib. Əsas rolları Maylinda Aqay, Eucenio Alleqri, Marta Bifano və Veronika Bruni canlandırıb.