Liborio

Güclü qasırğa zamanı itkin düşən Liborio cəmi bir sutkadan sonra sağ-salamat insanların yanına qayıdır. Özünü müqəddəs elan edən bu şəxs xəstələri sağaltmağa başlayır və tərəfdarlarını dağlara toplayır.

Yerli hakimiyyət orqanları onun fəaliyyətini dayandırmağa çalışsalar da, xalq arasında ona olan inam və maraq daha da artır. Yalnız ölkəyə daxil olan Amerika qoşunlarının müdaxiləsi onun dağlardan uzaqlaşmasına və bir gün yenidən qayıtmaq üçün gizlənməsinə səbəb olur.

2021-ci ildə çəkilmiş «Liborio» dram filmi Dominikan Respublikası və Puerto-Riko istehsalıdır. Ekran əsərinin rejissoru Nino Martines Sosa, əsas rolların ifaçıları isə Vinsent Santos, Karina Valdez, Ramon Emilio Kandelario və Fidiya Peraltadır.