Mühafizəçi

Keçmiş hərbçi Corc Eşleman depressiya, travma sonrası stress pozuntusu və intihar düşüncələri ilə mübarizə aparır. Əvvəllər birlikdə xidmət etdiyi yoldaşlarının tez-tez həyatına qəsd etməsi onu bu ağır mövzuya diqqət çəkməyə və həlak olanların xatirəsini ucaltmağa vadar edir. O, bel çantasına həyatını itirmiş 363 əsgərin ad nişanını bərkidərək təkbaşına Appalaç cığırı ilə uzun səfərə yola düşür.

Dağlıq cığır boyu irəliləyən Corc üçün bu yürüş daxili sarsıntıları ilə üz-üzə qalmaq baxımından çətin bir sınağa çevrilir. Yolun əvvəlində o, digər səyyahlar və hərbçilərlə qarşılaşır. Onların verdiyi mənəvi dəstək Corca addım-addım irəliləməyə və öz daxili böhranına qalib gəlməyə kömək edir.

Real hadisələr üzərində qurulmuş «The Keeper» dram filmi 2024-cü ildə ABŞ-da istehsal olunub. Ekran əsərinin rejissorluğunu Enqus Benfild və Kendall Bryant Jr. birlikdə həyata keçirib, baş rolları isə Maykl Makleyn, Bailey McCann, Carrie Keating və Enqus Benfild paylaşıb.