Tövbə

Təcrübəli cinayətkarın icra etdiyi növbəti sifariş gözlənilmədən iflasa uğrayır. Hadisə yerində yaranan qarışıqlıq zamanı baş verənlərin yeganə şahidi balaca bir qızcığaz olur. Baş qəhrəman uşağı xilas edərək onu təhlükəsiz bir yerə aparmaq qərarına gəlir.

Bu gözlənilməz addım onun özünü hədəfə çevirir. Arxada heç bir şahid qoymaq istəməyən keçmiş şərikləri onların izinə düşərək amansız təqibə başlayırlar. «Repentance» filmində qəhrəman balaca qızı keçmiş tərəfdaşlarından qorumaq üçün hər şeyini ortaya qoyur.

Böyük Britaniya istehsalı olan dram janrlı ekran əsəri 2023-cü ildə işıq üzü görüb. Filmin rejissoru baş rollardan birini də canlandıran Toni Fadildir. Digər əsas obrazları isə Daniel Harold, Edvard Pil və Con Oltmen ifa ediblər.