Eva

Con Miltonun «İtirilmiş cənnət» əsərinin ekranlaşdırılması üçün keçirilən kastinq iki aktrisa arasında gərgin rəqabətə səbəb olur. Eva obrazını vaxtilə teatrda canlandırmış Beks bu rolun köməyi ilə karyerasını yenidən canlandıracağına ümid bəsləyirdi. Lakin komanda həmin obrazı gənc və parlayan aktrisa Aleks Bayerə etibar edir.

İstəyinə nail ola bilməyən Beks qisas və paxıllıq hisslərinə qapılaraq rəqibini izləməyə, onun şəxsi məkanına müdaxilə etməyə başlayır. Rolu əldə edən Aleks isə London mənzilinə naməlum müdaxilə ilə üzləşir və dərin paranoyaya qapılaraq gerçəklik hissini itirir.

Böyük Britaniya istehsalı olan «Eva» filmi 2019-cu ildə rejissor Rory Kindersley tərəfindən çəkilib. Ekran işində əsas obrazları Endrü Li Potts, Reyçel Uorren, Leks Şrepnel və Kristin Mardzano canlandırıblar.