Circle

Meşədə çadır qurub dincələn Qreq və azyaşlı qızı Samanta gözlənilmədən vəhşi ayının hücumuna məruz qalır. Xəsarət almış ata və qızını ağaclar arasında gizlənən və özlərini «Circle» adlandıran qapalı icmanın üzvləri taparaq düşərgələrinə aparır. Huşu özünə qayıdan Qreq qızının bu insanlara bağlandığını görsə də, məkanın əslində qorxunc bir təriqət olduğunu tezliklə anlayır.

Tələyə düşdüyünü dərk edən ata övladını götürüb qaçmaq üçün yol axtarmağa başlayır. Eyni zamanda icmadan kənarda fərqli bir xilasetmə planı hazırlanır: təriqətlərdən insanları qurtarmaq üzrə mütəxəssis həmin qruplaşmanın qadın üzvlərindən birini azad etməyə çalışır.

ABŞ istehsalı olan «Circle» dram və qorxu elementləri ilə zəngin triller janrındadır. 2020-ci ildə işıq üzü görən filmin rejissoru Çarlz Devisdir, baş rollarda isə Lesli Deym, Cennifer Eyffert, Lyuk Mindell və Kristina Eliz Perri çəkilib.