Sehrli rəqs

Qu Yuyu ciddi anasının tələblərinə uyğunlaşmaq üçün baletlə məşğul olur. Əslində isə gənc qızın ürəyi küçə rəqsləri və hip-hop ritmləri ilə döyünür. Gələcəyə fərqli baxışlar ana ilə azad ruhlu qızı arasında davamlı mübahisələrə yol açır.

Həlledici rəqs yarışması ərəfəsində gözlənilməz hadisə baş verir və onlar sirli şəkildə bədənlərini dəyişirlər. Özgə həyatı yaşamaq məcburiyyətində qalan ana və qız əvvəlki vəziyyətə qayıtmağın yolunu axtarır. Bu proses onların arasındakı fikir ayrılıqlarını həll etməyə kömək edir.

Çin istehsalı olan dram janrlı «Qi yue de wu bu» filmi 2021-ci ildə təqdim edilib. Ekran əsərinin rejissoru An Cao-dur, baş rolları isə Zhang Yuxi və Huang Xiaolei canlandırıb.