Bacılar

Harriet və Sara adlı iki bacının yolları ayrılmaq üzrədir. Bacılardan kiçiyi olan Sara Oksford Universitetinə qəbul olmağa hazırlaşır və qalacağı yerlə bağlı məsələləri qaydasına salır. Harriet isə uzun müddətdir münasibətdə olduğu Endryu ilə yollarını ayırıb Mançesterə köçmək niyyətindədir.

Qarşıdan gələn ayrılıq ərəfəsində bacılar son həftəsonunu birgə keçirmək qərarına gəlirlər. Bu günlər ərzində onlar keçmişin ağrılı hadisələri və illərlə yığılıb qalmış incikliklərlə üzləşməli olurlar. Eyni zamanda qızların həyatında çoxdandır əlaqə saxlamadıqları anaları yenidən peyda olur.

Böyük Britaniya istehsalı olan «Sorority» dram filmi 2020-ci ildə rejissor Ceyms Webber tərəfindən çəkilib. Əsas rollarda Sofi Kennedi Klark, Emili Hey, Keyt Diki və Sem Qittins çəkiliblər.