Cersi

Kriket meydançalarını çoxdan tərk etmiş sabiq idmançı gündəlik həyatında ciddi maddi çətinliklərlə üzləşir. Ehtiyac içində yaşayan qəhrəman ailəsini dolandırmağa çalışır. Balaca oğlunun sevimli komandanın oyun formasını arzuladığını öyrəndikdə isə vəziyyət dəyişir, çünki bu hədiyyəni almağa imkanı çatmır.

Övladının arzusunu gerçəkləşdirmək istəyi onu cəsarətli addım atmağa sövq edir. Otuz altı yaşında olan keçmiş oyunçu böyük idmana qayıtmaq və yenidən peşəkar səviyyədə oynamaq qərarı verir. O, illər sonra kriket meydançasında öz gücünü yenidən sınamalı olur.

Hindistan istehsalı olan «Jersey» dram filmi 2022-ci ildə ekranlara çıxıb və rejissor Qovtam Tinnanuri tərəfindən çəkilib. Ekran əsərinin əsas rollarını Şahid Kapur, Mrunal Thakur, Pankac Kapur və Prit Kamani canlandırır.