Natrium Günü

Buraxılış imtahanlarına bir neçə həftə qalmış Keyptaunun kasıb bölgəsində yerləşən Con Şelbi dövlət məktəbində vəziyyət gərginləşir. Daimi müəllimləri olmayan yuxarı sinif şagirdləri səriştəsiz əvəzedici pedaqoqlarla riyaziyyat öyrənməkdə çətinlik çəkirlər. Dərs günü isə məktəblilərin laboratoriyadan oğurladıqları natriumu həyətdəki suya ataraq partlayış törətməsi ilə başlayır.

Uğursuz təşkil olunmuş mübadilə proqramı çərçivəsində özəl məktəbdən gələn imkanlı şagirdlərin onların sinfinə daxil olması sabitliyi tamamilə pozur. İki tam fərqli sosial mühitin nümayəndələri bir məkana toplaşdıqda aralarındakı ziddiyyətlər üzə çıxır. Bir neçə saat ərzində qarşılıqlı narazılıqlar silsilə xarakterli xaotik hadisələrə və mübahisələrə yol açır.

«Natrium Günü» dram-komediyası 2022-ci ildə CAR-da istehsal olunub. Filmin rejissoru Riaz Solkerdir. Baş rolları Zhaunder Amerika, Lucian Jody Daniels, Kim Fester və Jesse Frankson canlandırıblar.