Aksiom

Muzey nəzarətçisi işləyən Julius insanlarla asanlıqla dil tapır və xoş rəftarı ilə hər kəsin rəğbətini qazanır. O, özü haqqında maraqlı hekayələr danışmağı sevir və növbəti dəfə həmkarları ilə dostlarını yaxta gəzintisinə çağırır. Gənc oğlan gəminin onun varlı və kübar ailəsinə məxsus olduğunu iddia edir.

Lakin limana yaxınlaşdıqca vəziyyət dəyişir. Xilasedici jiletlərin olmaması Juliusu bərk narahat edir və onun qəribə davranışı yoldaşlarında ilk şübhələri yaradır. Suya çıxmamış qəfildən halı pisləşən qəhrəman xəstəxanaya düşür və burada onun qurduğu xəyali obraz, eləcə də danışdığı yalanlar ard-arda üzə çıxmağa başlayır.

«Axiom» adlı alman dram filmi 2022-ci ildə ekranlara çıxıb. Rejissor Yöns Yönssonun lentə aldığı ekran əsərində baş rolları Morits fon Troyenfels, Rikarda Seyfrid, Tomas Şubert və Petra Velterot canlandırıblar.