Freda

Universitet tələbəsi Freda anası Janett, bacısı və qardaşı ilə birlikdə Port-o-Prensin kasıb məhəlləsində məskunlaşıb. Ailənin yeganə qazancı küçədə işlətdikləri kiçik ərzaq köşkündən çıxır. Ətrafdakı həyat isə artan cinayətkarlıq, yoxsulluq və silahlı toqquşmalar səbəbindən getdikcə daha təhlükəli hal alır.

Evdəkilərin hər biri bu ağır vəziyyətdən xilas olmaq üçün bir yol axtarır. Freda isə çətin bir qərar qarşısında qalır: o, sevdiyi insanla ölkəni tərk edib təhlükəsiz həyata başlamaqla doğma yurdunda qalıb ailəsinə dayaq olmaq və təhsilini tamamlamaq arasında seçim etməlidir.

«Freda» dram filmi rejissor Jessika Jenyes tərəfindən lentə alınıb. Fransa, Qətər, Haiti və Benin istehsalı olan bu ekran əsəri 2021-ci ildə işıq üzü görüb. Əsas obrazları Nehemie Bastien, Gaelle Bien-Aime, Djanaina Francois və Jan Conni canlandırıblar.