8 Dilim

Pitseriya sahibi olan və özünə Oskar Uayld təxəllüsünü seçən bir nəfər işçiləri üçün qeyri-adi qaydalar tətbiq edir. O, oxunan hər kitaba görə işçilərinə mükafat verir və onların hər birindən məşhur yazıçı adı götürməyi tələb edir. Bu yanaşmanın nəticəsində məkan xidmət sektorunun ən yaxşı iş yerləri siyahısında ilk onluğa daxil olur.

Bu qeyri-adi ab-hava tənqidçi bloqer Sem Zanderin diqqətini çəkir. O, müxtəlif müəssisələri ifşa edərək reytinqlərini aşağı salan videolar hazırlayır. Pitseriyanın çətin dövrə qədəm qoyduğunu görən Sem, müəssisənin daha tez bağlanmasına nail olmaq üçün ora işə düzəlir.

«8 Dilim» (8 Slices) dram filmi 2019-cu ildə ABŞ-da istehsal olunub. Rejissoru Nik Uestfol olan ekran əsərinin baş rollarını Cessi Boyd, Keti Sirl, Tayra Kolar və Harrison Stoun canlandırıb.