Nena

Balaca qız anası Florensiya ilə birlikdə Meksikanın Duranqo ştatındakı sakit bir qəsəbədə yaşayır. Qızını təkbaşına böyüdən ana ona layiqli gələcək bəxş etmək üçün əlindən gələni edir və onu özəl katolik məktəbinə qoyur. Florensiyanın qəfil vəfatı hər şeyi alt-üst edir və on yaşlı uşaq kimsəsiz qalır.

Çox keçmədən yetim qızın himayədarlığını varlı əczaçı don Paçeko öz üzərinə götürür. Yerli sakinlər bu imkanlı şəxsi xeyirxah və hörmətli bir adam kimi tanıyırlar. Lakin cəmiyyətin ehtiram bəslədiyi bu adam əslində psixi cəhətdən qeyri-sabit bir insandır.

«NENA» dram filminin rejissoru Melody Parradır. ABŞ istehsalı olan bu ekran əsəri 2020-ci ildə işıq üzü görüb. Əsas obrazları Natali Anna, Alexandra Camarena, Tomas Dekurqes və Mara Fimbers canlandırıblar.