Lələklər

Uşağın ad günü şənliyində çıxış edən sehrbaz gözlənilməz bir tryuk göstərərək ailənin avtoritar atasını cücəyə çevirir. Təəssüf ki, kişini əvvəlki insan cildinə qaytarmaq heç cür mümkün olmur.

Əvvəllər heç vaxt müstəqil qərarlar verməyən sakit evdar qadın birdən-birə ailənin başçısı vəzifəsini öz üzərinə götürməli olur. O, evin idarəsini ələ alır, dolanışıq qayğılarını həll edir və eyni zamanda quşa çevrilmiş ərinin qayğısına qalmağa çalışır.

2021-ci ildə çəkilmiş «Feathers» filminin rejissoru Omar El Zohairydir. Fransa, Niderland, Yunanıstan və Misirin birgə istehsalı olan bu dram və komediya janrlı filmdə rolları Demyana Nassar, Samy Bassouny, Fady Mina Fawzy və Abo Sefen Nabil Wesa canlandırıb.