Arthur Rambo

Ərəb mənşəli gənc yazıçı Kərim D. uğurlu romanını çap etdirdikdən sonra Parisin ədəbi mühitində qısa zamanda böyük şöhrət qazanır. O, ziyalıların rəğbətindən və mətbuatın göstərdiyi diqqətdən zövq alaraq qələbəsini qeyd edir. Hər kəs onu yeni istedad kimi qəbul edir.

Lakin parlaq uğurun ardınca sosial şəbəkələrdə onun keçmiş paylaşımları üzə çıxır. Məlum olur ki, Kərim vaxtilə «Arthur Rambo» təxəllüsü ilə nifrət dolu, aqressiv, homofobik və antisemitik fikirlər paylaşırmış. Bir neçə saat ərzində alovlanan bu qalmaqal onun qazandığı nüfuzu və gələcəyini ciddi təhlükə altına qoyur.

Fransa istehsalı olan bu dram filmi 2021-ci ildə nümayiş etdirilib. Əsərin rejissoru Loran Kantedir, baş rollarda isə Rabah Nait Ufella, Bilel Şeqrani, Antuan Raynarts və Sofyan Xammes çəkiliblər.