Acqua e anice

Yetmiş yaşlı Olimpiya vaxtilə rəqs orkestrinin tanınmış solisti və salon rəqslərinin ulduzu olmuşdu. Tənha günlərini keçmişi xatırlayaraq yaşayan qadın qəfildən köhnə qastrol furqonunu işə salmaq və Sürixə doğru yola çıxmaq qərarına gəlir. Bu səfərin məqsədi konsert vermək yox, ötən illərin şöhrətli məkanlarını ziyarət etmək və vaxtilə yaxın olduğu insanlarla görüşməkdir.

Sükan arxasında əyləşmək üçün Olimpiya sakit və utancaq bir gənc qız olan Mariyanı işə götürür. Bir-birinə heç bənzəməyən bu iki qadın böyük furqonla uzun bir səyahətə başlayır. Yolboyu yaşananlar keçmişin parlaq xatirələri ilə indiki reallığı üz-üzə qoyur.

2022-ci ildə İtaliyada çəkilmiş «Acqua e anice» filminin rejissoru Korrado Çerondur. Komediya və dram janrındakı bu ekran işində baş rolları Stefaniya Sandrelli, Silvia D'Amiko, Paolo Rossi və Luiza De Santis canlandırıblar.